Indietro

ⓘ Łéngua artifisałe. Na łéngua artifisałe o conlang ła xe na łéngua creada da linxegno che el ghe połe èsar atribuio na soła parsona o a on grupo de laoro, che el ..




Łéngua artifisałe
                                     

ⓘ Łéngua artifisałe

Na łéngua artifisałe o conlang ła xe na łéngua creada da linxegno che el ghe połe èsar atribuio na soła parsona o a on grupo de laoro, che el ghene desviłupa dełibaradamente ła fonołoxia, ła gramàtega e el vocabołàrio. La prinsipałe difarensa rispeto a łe łéngue nadurałi ła sta inte el fato che chełe artifisałi no łe se xe desviłupae e afermae in manjiera spontànea inte łe culture umane.

Racuante, cofà łe łéngue nadurałi, łe xe costruie par ła doparasion inte ła comunegasion omana spesalmente par èsare doparae cofà łéngue internasionałi auxiłiàrie, ma altre łe xe stae fate par ła doparasion in òpare de ficsion, inte ła sperimentasion lenguìstega, inte el desviłupo de còdaxi segreti o soło par el gusto de farlo.

El sinònemo łéngua pianifegada el njien doparà in rifarimento a łe łéngue auxiłiàrie internasionałi, soradetuto da chełi che no soporta el pì popołar tèrmano "artifisałe".

Ła asion del crear ste łéngue el vien definio glosopoiexi, dal grego glóssa = "łéngua" e póiesis = "creasion". I autori de łéngue artifisałi i xe ciamai glototeti, o glosopoeti par remarcar el lato creadivo e artìstego de sta pràtega.

                                     

1. Clasifegasion de łe łéngue artifisałi segondo i fini

Ła major parte de łe łéngue artifisałi łe połe èsar divideste in baxe ai fini par ła cuała łe xe stae ideae:

  • łéngue lòxeghe: chełe doparae par fini de sperimentasion fiłoxòfega e lòxega.
  • łéngue artìsteghe: chełe doparae par ła doparasion drento de òpare artìsteghe o par s-ceto piaxere;
  • Łéngue auxiłiàrie: chełe doparae par ła comunegasion internasionałe;
                                     

2. Tipi di łéngue artifisałi

  • Alìbare: łéngue lìbare ma che i dòpara lalfabeto latin;
  • Lìbare: łéngue che łe dòpara altri alfabeti e altri vocàbołi.
  • Latìneghe: łéngue creae baxae sol Latin o sia doparando el alfabeto latin e dasar łe parołe on mùcio simiłari, xontàndo anca -mus -us -as -tus -cus -lus.;
                                     

3. Voxe corełae

  • Esperanto
  • Łéngua auxiłiària internasionałe
  • Łéngua franca
  • Interlenguìstega
  • Eoropanto
  • Esperantido
  • Lista de łéngue artifisałi
  • Interlingua IALA
  • Łéngua Franca Nova