Indietro

ⓘ Sorte de fraxe. Ła fraxe sénplega ła xe caraterixada da ła prexensa de on soło verbo e el contien i conpleminti nesesari al verbo par esprimar el so signifegà. ..




                                     

ⓘ Sorte de fraxe

Ła fraxe sénplega ła xe caraterixada da ła prexensa de on soło verbo e el contien i conpleminti nesesari al verbo par esprimar el so signifegà.

Exénpio: Simone el magna on pomo.

Ła fraxe conponesta ła xe formada da imanco do predegai unii da conxonsion ma, e., in manjiera che ghe sìpia na propoxision prinsipałe e altre propoxision coordenae. De consevensa ła consiste inte on ligame par coordenasion de pì fraxe sénpleghe.

Exénpio: Simone el magna on pomo e el beve on goto de late.

Ła fraxe conplesa ła xe formada da mìnemo do predegai unii da conxonsion subordenanti, in manjiera che ghe sia na propoxision prinsipałe co eventuałi coordinate, e altre propoxision subordenae. Se trata, de on ligame intrà una o pì fraxe sénpleghe prinsipałi, co una o pì subordenae. Ghe xe tante prepoxision, cuanti i xe i predegai de ła fraxe.

Exénpio: Simone el magna un pomo e el beve on un goto de late, co el varda ła tełevixion ła sera.

Inte el exénpio ghe xe prexenti trè fraxe sénpleghe:

  • Simone el magna el pomo
  • el beve on goto de late
  • co el varda ła tełevixion ła sera

Ła prima ła xe ła "prepoxision prinsipałe, ła segonda ła costituise ła "prepoxision coordenada" ła prinsipałe, ła tersa ła xe ła "prepoxision subordenada".

Ła fraxe nomenałe ła xe co el predegà el xe "invixìbiłe", o mejo, co no el xe esprimesto: Exénpi:

  • Jole inte ła sità de lamor
  • Bilieti, par piaxer!
  • Studenti in vacansa par ła setemana bianca