Indietro

ⓘ Marco van Basten. Marcel o Marco van Basten el xe stà un xogador de bałon atacante e ałenador ołandexe che ga xogà par un serto periodo anca in Itałia, miłitand ..




Marco van Basten
                                     

ⓘ Marco van Basten

Marcel o Marco van Basten el xe stà un xogador de bałon atacante e ałenador ołandexe che ga xogà par un serto periodo anca in Itałia, miłitando inte ła scuadra del Milan.

Considerà intrà i mejo xogadori de ał storia del calcio, in carièra el ga segnà 314 gol dei cuałi 277 co łe scuadre de club, 24 co ła nasionałe ołandexa e 13 co ła nasionałe Under-21, finìa prematuramente a letà de sołi 28 ani a cauxa de alcuni infortuni, anca se ofisialmente lanuncio del so ritiro lè stà dà inte el 1995, col xogador gaveva 30 ani. Enblema de lAjax e del Milan, in maja rosonera el conponesto un eçesional trio insenbre ai conasionałi Ruud Gullit e Frank Rijkaard, sìnboło de numaroxi sucesi de ła scuadra ałenada da Arrigo Sacchi.

El xe stà el primo dei diexe xogadori a segnar na cuaterna in tuna ùgnoła partìa de UEFA Champions League, oltra ad èsar lúnego insieme a Silvio Piola ad aver siglà almanco un gol a ogni squadra de Serie da łu afrontada.

                                     

1. Carateristeghe tecneghe

El pì rafinà ed ełegante çentravanti del calcio moderno, lúnego che savese dansar so łe ponte de un fìxego çiclopego., op. cit., Emanuele Gamba so la Repubblica

Soranomenà el cigno de Utrecht, van Basten el gera un çentravanti dotà de tecnega eçesional nonché de notevołe ełegansa e rapidità inte i movimenti, nonostante el fixego inponente; coniugava la grazia del trequartista con la concretezza del vero cannoniere. Abile con entrambi i piedi, in poseso de un tiro potente e precixo sia in corsa sia da fermo, concreto anca inte el xogo par aria e inte łe acrobasie, el mostrava un insieme de caraterìsteghe par łe cuałe el xe ritegnùo uno tra i pì forit e conpleti atacanti de senpre. Ła so granda intełigensa tatica e ła so vixion de xogo ło rendeva capaçe de axir anca łontan da larea de rigor o daxendo łe spałe ła porta aversaria,rendendoło anca un presioxo omo-assist. El gera anca un eçełente rigorista: in carièra el ga metesto a segno 51 penalty so 55 tirài.

                                     

2.1. Carièra Scominsi

El scumisia xogar a calcio a sìe ani, co so pare Joop, ex xogador e canpion dei Paexi Basi inte el 1958, ło afida ai tecnisi de łe scuadre de Utrecht, prima lEDO 1970-1971, poi lUVV 1971-1980 e infin lElinkwijk 1980-1981. A 12 ani Leo Beenhakker çerca invano de ingagiarlo inte el Feyenoord.

Inte el 1981 el pasa a lAjax de Johan Cruijff. Un ano drìo, inte lavril del 1982, el debuta co ła nasionałe Under-18 ołandexa al torneo Juniores de Cannes, segnando tre gol a lItałia inte ła finałe par el terso posto.

                                     

2.2. Carièra 1981-1987: łe staxon a lAjax e lafermasion definitiva

Inte lAjax el exordise in prima scuadra el 3 de avril 1982, a 17 ani e mexo, contro el NEC Nijmegen: van Basten entra in canpo pròpio al posto de Cruijff e riese a segnar un gol al so exordio co i łanseri. Inte i do ani sucesivi van Basten pasa dai 9 gol in 20 partìe del 1982-1983 ai 28 gol in 26 partìe inte ła staxon 1983-1984 inte ła cuała el xe caocanonier. Ła staxon drìo lAjax xe da novo canpion dei Paexi Basi e Van Basten da novo mejo marcador co 22 gol.

Inte ła staxon 1985-1986 co 37 gol in 26 partìe, el se łaurea par ła tersa volta caocanonier, vinsendo ła Scarpa doro e contribuindo al suceso dei łanseri in KNVB beker. El 1986, tutavia, segna anca linisio dei so guai fixici: el xe colpìo da epatite virałe e el ga da fermarse tre mexi; a disenbre, inte el corso de Groningen-Ajax, el se infortuna ła caécia drèta dopo na incroxàda co un aversario. El continua xogar ma ła fin el ga da farse operar in Svisera. El torna in canpo 3 mesi pì tardi, inte ła finałe de Coppa delle Coppe tra Ajax e Lokomotive Lipsia 1-0, in cui el segna de testa el gol decixivo al 21 e el sera el canpionato oncora caocanonier. Col disputa ła finałe de Coppa delle Coppe, el xe xa ufisialmente un xogador del Milan, par cui cueła sarà ła so ùltema aparision co ła maja dei łanseri. Ła decixion del trasferimento ai rosoneri xe stà dovùa al fato che inisialmente xe stà ła Fiorentina ad acuistarlo, ma a cauxa del mancà pagamento del contrato lacuisto nol se ga concretixà.



                                     

2.3. Carièra 1987-1988: larivo al Milan, linfortunio el scudeto

Marco van Basten riva inte listà del 1987 al Milan, che ło ingagia a parametro UEFA, pagando 2 miłion de franchi sviseri, sìrca 1.75 miłiardi de łire. In rosonero el se prexenta suito al so novo publego segnando inte ła prima partìa in Coppa Italia contro el Calcio Bari. El segna anca inte el debuto in canpionato a Pisa, ma riva anca el primo stop: laltra caécia ła scominsia darghe problemi dopo ła gara de Coppa UEFA contro lEspanyol. El se opera darecao el resta inativo 6 mexi. Col torna in canpo, el Milan xe ła rincorsa del Napoli, el segna i gol decixivi contro lEmpoli a San Siro e contro ła scuadra de Maradona, inte ła decixiva gara xogada e vinta al San Paolo, co cui el Milan vinse el scudeto.

                                     

2.4. Carièra 1988-1991: łe vitorie internasionałi co Sacchi

Galvanixà da ła vitoria de lEuropeo conseguìa in Xermania Ovest co ła nasionałe Oranje, Marco, coadiuvà dai so conasionałi Ruud Gullit e Frank Rijkaard, se pone lanbisioxo obietivo de strasinar el Diavoło sol coerto dEuropa, alias vinser ła Copa dei Canpioni. Ła staxon 1988-1989 vede el ritorno del Milan in Copa Canpioni dopo 9 ani: van Basten segna 33 gol e el concuista el Bałon doro 1989. Inte ła Copa Canpioni el segna 10 redi, tra cui cuełe in semifinałe co colpo de testa in tufo contro el Real Madrid inte l1-1 de landata a Madrid, cueła del 5-0 del ritorno al Meazza e ła dopieta inte ła vitorioxa finałe contro ła Steaua Bucarest. A novenbre un so gol al Barcellona inte ła finałe de andada contribuise ła concuista de ła Supercopa europea. A disenbre, suito drìo de ła conquista de ła Copa Intercontinentałe, van Basten vinse el segondo Bałon doro consecutivo, afiancando inte lalbo doro del trofeo canpioni cofà Franz Beckenbauer e Kevin Keegan.

A linisio de ła sucesiva staxon, van Basten vien de novo operà, stavolta al menisco: el rientrarà oltre 2 mesi dopo. In canpionato, vinsesto al fotofinish dal Napoli, el segna oncora 19 gol, che ghe vałe el primo titoło de caocanonier in Itałia. Col Milan el raxonxe oncora ła finałe de Copa dei Canpioni, segnando i gol che rexulta decixivi contro Real Madrid, Mechelen e Bayern Monaco, che el Milan vinse el 23 de magio contro el Benfica al Prater de Vienna 1-0. Sua lavertura de prima intension che łibara Frank Rijkaard e ghe consente de segnar el gol decixivo.

Inte el 1990-1991 el Milan concuista oncora ła Supercopa europea e lIntercontinentałe, contro i paraguaiani de lOlimpia Asunción. A Tokyo van Basten nol segna ma contribuise comuncue ła reałixasion del segondo e al terso gol. A fin staxon, parò, el ciclo de Sacchi al Milan come ałenator xe xonxesto al caołinea, vista ła convivensa che xera paresta deventar inposìbiłe tra i do A se parla anca de un scontro tra Sacchi e van Basten.

                                     

2.5. Carièra 1991-1993: el nuovo intervento, łe mejo staxon e ła finałe de Champions

Inte ła staxon 1991-1992 a Sacchi subentra Fabio Capello. Favorìo da linpostasion tatega del tecnego furlan, pì flesìbiłe respeto a cueła del predecesor, Van Basten disputa una de łe anae pì briłanti de ła pròpia carièra: lołandexe otien de novo el titoło de caocanonier co 25 gol.

                                     
  • FC 1992 Marco Van Basten A.C. Milan 1991 Jean - Pierre Papin Olympique Marseille 1990 Lothar Matthäus Internazionale FC 1989 Marco van Basten A.C. Milan