Indietro

ⓘ Endùstria. El termine industria el njien doparà par dirghe na calsiasi atività umana che la njien fata col fin de crear beni o servisi. El termine el deriva dal ..




Endùstria
                                     

ⓘ Endùstria

El termine industria el njien doparà par dirghe na calsiasi atività umana che la njien fata col fin de crear beni o servisi.

El termine el deriva dal latin industria -ae de etimoloxia inçerta, che signifega "operoxità" e "atività".

                                     

1. Storego

Xà inte la preistoria le vegnea fate tante atività de trasformasion de materiałi par otegner dei beni par exenpio la produsion de arnexi in piera, ma par vedare la creasion de na vera e propria industria, bixogna star là spetar finmente la fin del XVIII secolo, co xe rivà la cusì ciamada rivołusion industriałe, che la xe scumisiada co el scumisio del xvilupo de lendustria tesiłe in Granda Bretagna, da andove xe partio anca el xvilupo de lEndustria siderurxega.

Inte el XX secolo ghe xe sta naltro progreso industrial, propio co se ga tacà a doparar el petrolio e el gas naturale come prinçipali fonti enerxedeghe, e co ste cuà anca la nasita de novi stàbiłi de conseguense nove opurtunità laoradive. Sta cresita economega la se ga ralentà inte i ani sesanta, par colpa de la crixi del petrolio, andove se ga visto la manodopara pasar dal setore segondario setor andove lendustria ghe fa parte al setore tersiaro setor orientà al fornimento dei servisi, particolarmente par chel che rivarda a lindustria de linformadega de la tełematega, che le se xvilupa inte el contenpo la segonda guera mondiale, come conseguensa del vegner vanti de barufamenti intrà nasion.

Dopo a sta ultima trasformasion laoradiva, el termine "endustria", el njien doparà in senso pì grando e largo anca pal setor tersaro, inte el segnifegà de "industria dei servisi".

                                     

2. Descrision

El steso termine el njien doparà in senso pì strenxuo par dirghe a algune atività de produsion de beni che i fa parte del setore segondario de leconomia, faxendose diverso in sto modo da lindustria de la produsion agricola setore primario e da la produsion de servisi setore tersiario. In senso oncor pì strenxuo, el termine el jien doparà par dirghe la sola produsion de beni del setore segondario produsion in serie, o sia traerso proçedure stàndar, permetendo cusì de produre beni in grandi cuantità, a difarensa de lartexanà, andove el prodoto el njien fato in cuantità limitae.

Sta carateristega la fa latività endustriale pì fadigosa in confronto a chela artixanale, dovendo in sta manjiera doparar on model de organixasion struturà pì o men conpleso, aplicasion de stàndar par la produsion in serie, la doparasion de machine de enfrastruture par la produsion, on schema predeterminà de divixion dei laori, on sistema de distribusion comerçale so on area pì granda e on atento studio de fatibiłità par minimixar el ris-cio par linprexa che pole derivar da la costrusion de on stabiłimento endustriałe. De conseguensa se pole dire che in endustria el capitałe e la finansa i domina rispeto a altri fatori che i xe invese dominanti inte lartixanà.

                                     

3. I setori prinçipali

Lindustria la xe divixa in tanti setori, ogniuno co na propria speçalixasion e la xe in continua evolusion propio parché la ga da adatarse continuamente a le exijense de consumo e a le nove tecnołoxie de produsion. Na olta el termine "industria", la vegneva doparada par rifarirse la produsion de prodoti tocabili, parò oramai da tenpo, la njien doparada anca par prodoti che no i pole esar tocai, come par exenpio i servisi.

Na clasifegasion dei vari setori industriali, la pole esar cusì:

  • atività industriali in senso streto
  • industria mineraria o de estrasion
  • industria manfaturera: Trasformasion de beni pae exenpio lindustria metałurxega, lindustria chimega, lindustria petrolchimega, lindustria farmaçeudega, lindustria mecanega, lindustria automobilistega, lindustria aerospasiałe, lindustria aeronaudega, lindustria eletronega, lindustria del software, lindustria del magnare e lindustria tesiłe
  • atività comerçali e di distribusion
  • agricoltura
  • industria dei prodoti: industria che produxe beni materiali
  • industria enerxedega: atività de trasformasion de lenergia tirada fora da particolari fonti enerxedeghe in altre forme
  • editoria e radio-televixivo
  • sicuresa
  • consułensa "industria de la consulensa"
  • industria dei servisi: industria che produxe servisi
  • trasporto e loxistega
  • educasion
  • bancario e asicurativo