Indietro

ⓘ Atene ła xe ła cavedal de ła Gresia e caòłogo dełAtica. Inte el antighità el nome el gera Ἀθῆναι, col nome de ancuo che el xe sta adotà ufisialmente inte el 197 ..




Atene
                                     

ⓘ Atene

Atene ła xe ła cavedal de ła Gresia e caòłogo dełAtica. Inte el antighità el nome el gera Ἀθῆναι, col nome de ancuo che el xe sta adotà ufisialmente inte el 1970. Ła se cata inte el mexo de na pianura al séntro de ła penìxoła delÀtica e ła se slarga dai pie del monte Parnis fin ła costa. Ła xe divixa in demi, come ai ténpi de ła polis.

Ancuo el comun de Atene in sénso streto el ga na superfice de soło 39 km² e na popołasion de squaxi 750 000 abitanti, ma làrea urbana considerada come LUZ Larger Urban Zone dalEurostat ła cónta 4 013 368 abitanti, e ła xe cusì ła sètima conurbasion più granda delUnion Europea, e ła quinta cavedal più popołada delUnion. In sta manièra ła fa, col Pireo el resto de ła conurbasion, el 35% de ła popołasion grega.

Atene ła xe na metròpołi cosmopołita e ła xe el séntro econòmego, finansiario, industrial e cultural de ła Gresia, e ła ga na serta inportansa a liveło europeo ma anca mondial. Inte el 2008 ła xe stada clasifegada come ła sità nùmero trentadó par richesa e par poder de cronpar e come ła nùmero ventisinque par costi inte na reserca fata da ła socetà svìsera UBS.

Ła xe recordada sui libri de storia par ła nasùa de ła democrasia, par èser stada ła sede de ła cademia de Platon el liceo de Aristotele, oltra che ghe xe nasùi Socrate, Pericle, Sofocle e paréci altri fiłòxofi e personagi inportanti delantighità. Ła xe stada daspò na Polis intrante e ła xe considerada el nio de ła siviltà osidental. In ani più resénti ła xe stada al séntro de ła tension de tuto el mondo par averghe organixà co suceso i Xoghi Ołìnpeghi inte el 2004 e par linaugurasion del Nóvo Muxeo delAcròpołi inte el 2009, che el ga verto de novo ła discusion che ła revarda i Marmi de Elgin. Altro łógo de grando interese turìstego el xe lAcròpołi patrimonio de lumanità recognosùo dal UNESCO inte ła qual i spica par inportansa el Partenon, lEreteo e i Propilei. Da recordar i xe anca i resti delagorà e lAreòpago.

Tradisionalmente ła protetora de ła sità ła xe ła dea Atena, rafigurada sia sul stema che su ła bandièra de ła sità.